Ég er fædd 1964 og uppalin í Kópavogi en bjó lengst af á Höfn í Hornafirði og nokkur á í Danmörku. Á Höfn starfaði ég sem félagi í sálarrannsóknarfélaginu Stjörnunni þar sem við stóðum fyrir komu ýmissa miðla á staðinn og fengum til okkar fólk til að halda námskeið sem allt snerist um vinnu á andlega sviðinu og fyrirbærum hverskonar og í Danmörku var ég með eigin vinnustofu en þar var ég aðallega með heilun og heilunarnudd þar sem ég notast við heita steina í nuddinu. Allt sem varðar óhefðbundnar lækningar, sjálfshjálp og sjálfsheilun vekur áhuga minn og er ég stöðugt að bæta við mig á því sviði. Ég vinn með Reiki-Heilun, kristalla og liti orkustöðvanna en nánari upplýsingar og fróðleik um orkustöðvarnar er að finna á síðunni undir fróðleikur. Ég starfa sem sjúkraliði og andlegur einkaþjálfari og er með vinnustofu heima hjá mér í Bröttuhlíð 1b í Hveragerði.